No acto recibiu os seus diplomas e distincións a primeira promoción do Máster en Enxeñaría Industrial
60 alumnos e alumnas dos seis graos e oito mestrados que se imparten na Escola de Enxeñaría Industrial recibiron este xoves os diplomas e distincións que os acreditan como novos egresados e egresadas da Universidade de Vigo. No auditorio do Pazo de Congresos Mar de Vigo o maior centro universitario de Galicia, que acada os 115 anos de existencia, homenaxeou aos seus novos e novas graduadas nun acto, no que ademais das intervencións das autoridades e a proxección de vídeos, os e as egresadas xuraron o Código Ético Profesional da Enxeñaría da Rama Industrial.