Lorna Shaughnessy, unha das voces máis coñecidas da poesía irlandesa actual, foi a persoa elixida para inaugurar o ciclo A Malinche, unha actividade de intercambio poético entre autoras de Galicia e Irlanda que arrancou este xoves na Facultade de Filoloxía e Tradución e que nace “concibida para permitirnos mirar máis aló das fronteiras e os idiomas” e con vocación de converterse “nunha cita anual”, tal e como subliña o seu impulsor e coordinador, Keyth Payne, poeta, tradutor e profesor do Centro de Linguas da Universidade de Vigo.
